سياسة الخصوصية
منجمع الاسم والإيميل والتلفون لما تسجّل حالك بورشة أو ورشة، ومنستعملهم بس لإدارة تسجيلك وإرسال ما يخص الورشات اللي سجّلت فيها.
ومنسجّل تقدّمك بكل درس (قديش شفت منه ووين وقفت) عشان تكمّل من نفس الثانية وتشوف نسبة إنجازك. ولما تطلب كود دخول منسجّل عنوان الـIP تبع الطلب — بس لحماية حسابك من محاولات التخمين.
وفريق الأكاديمية بيشوف نسبة التقدّم لكل طالب — عشان يتابعك ويساعدك إذا علقت. ما منشاركها مع حدا برّا الأكاديمية.
ما منبيع ولا منأجّر معلوماتك لأي طرف تالت. الدخول للمنصة بكود بيوصل على إيميلك — ما منخزّن كلمات سر إطلاقاً.
حذف الحساب
بتقدر تحذف حسابك بنفسك — من منطقتي بالموقع، أو من حسابي ← حذف حسابي بالتطبيق. ما بدّك تبعتلنا ولا رسالة.
لما تطلب الحذف بتنقفل كل جلساتك وأجهزتك فوراً، وبينحذف حسابك وكل تقدّمك نهائياً بعد 30 يوم. أي تسجيل دخول خلال هالفترة بيلغي الطلب. سجلات الدفع بتضلّ محفوظة بلا اسمك لأسباب محاسبية.
لأي استفسار: support@coacademy.co.uk.
Account deletion — Co Academy
In the app: حسابي (My account) → حذف حسابي (Delete my account). On the website: منطقتي (My area) → حذف حسابي. No email is needed. Your sessions and devices are signed out immediately; your account and all learning progress are permanently deleted after 30 days. Signing in again within that period cancels the request. Payment records are kept without your name for accounting purposes. Questions: support@coacademy.co.uk
الأجهزة والتطبيق
عشان نحمي حسابك ونفرض حدّ الـ3 أجهزة، منسجّل لكل جهاز بتدخل منه: نوع الجهاز ونظام تشغيله وتاريخ آخر استخدام. ما منجمع موقعك ولا جهات اتصالك ولا صورك ولا أي شي برّا التطبيق.
بتقدر تشوف أجهزتك وتشيل أي واحد منها من منطقتك الشخصية بأي وقت.
لو فعّلت الإشعارات بالتطبيق، منخزّن معرّف الإشعارات تبع جهازك ومنستعمله بس لتذكيرك بمواعيد الورشات اللي مسجّل فيها. بتقدر تطفيها من إعدادات تلفونك بأي وقت.